Seguimos co proxecto!

Como o principal eido do proxecto era saber usar a Galipedia e enchela de artigos e información de Coristanco, eu , para iniciarme en poñer máis contido editei a páxina de "Agualada" poñendo un pequeno párrafo sobre a toponimia. Esta información encontreina no libro "Coristanco: As súas parroquias". Ao ser pouca información e dunha fonte fiable como o é un libro foime bastante doado e animo a todo o mundo a probar. Aquí vos deixo unha captura do traballo realizado de iniciación

Como xa falaramos anteriormente , estamos a colaborar con outro proxecto que consiste en facer un tríptico sobre coristanco. Para iso moitas das nosas fotos da conta de Instagram , estarán nese tríptico. Deíxovos dúas que nos pasaron (colaborando con @galicoris) do Castro de Oca, que presenta dúas estructuras circulares no exterior, e  o Hórreo de Casa Caamaño en Cereo Vello (Cereo).

Tamén estamos moi contentas porque onte unha compañeira publicou un artigo explicando o que era unha placa altimétrica e se alguén se animaba a pasar polo concello de Coristanco e sacarlle unha foto. Pois ben aquí está , moitas grazas por esta aportación !

Actualmente estamos a traballar para mellorar a páxina web das tres compoñentes do proxecto para que estea máis sintetizada a información do traballo que realizamos , clasificandoo en partes como os titoriais da Galipedia, a parte de Instagram e as contas individuais.

Como acordáramos no principio deste traballo aparte dos contidos sobre a Galipedia tamén íamos dar a coñecer a cultura galega e os grupos musicais da nosa terra do momento actual, nesta semana publiquei no blogue conxunto unha información sintetizada duns grupos galegos musicais que a min me gustan como Ezetaerre. Tamén seleccionei o grupo de De Vacas porque non coñecía ningún grupo até ahora que fixera versión tan boas de cancións coñecidas ao galego e pareceume interesante o seu traballo.